MESSER е име на компанија кое веќе 111 год. се поврзува со индустриски гасови. Messer Group произведува и ги снабдува своите купувачи со кислород, азот, аргон, јаглеродендиоксид, водород, хелиум, инертни гасови за заварување, специјални гасови, гасови за медицинска употреба како и широк спектар на гасни смеши. Колку што е голем изборот на гасови, исто толку е широк спектарот на индустриски гранки кои ги употребуваат гасовите и ги користат предностите на нивната специфична употреба и знаењето на вработените во Messer. Некои од областите во кои се употребуваат гасовите се: металната индустрија и индустрија за челик, хемиската индустрија, прехранбената индустрија, фармацијата, автомобилската и електро индустријата, медицината, технологиите за истражување и заштита на животната средина. Нашите позитивни особини и предности зборуваат сами за себе: преку 4.000 вработени; повеќе од 300 технологии за употреба на гасовите; преку 130 гасови и гасни смеши; повеќе од 400 милиони евра инвестиција до 2008 год.; 120 сопствени постројки. Месер Вардар Техногас е формирана 1997 год. како 100% германски капитал. Месер Вардар Техногас во моментов располага со полниница за кислород и полниница за јаглродендиоксид, Имаме продажни места ширум Македонија - во Куманово, Крива Паланка, Свети Николе, Штип, Кочани, Струмица, Гевгелија, Велес, Кавадарци, Прилеп, Битола, Охрид, Гостивар и Тетово.