Компанијата Макстил е формирана во 1997 година по извршеното организационо и сопственичко преструктуирање на поранешниот металуршки комбинат Рудници и Железарница “Скопје” (основан во 1967 год. како интегриран производител на челични производи - топловалани дебели лимови, топловалани котури, ладновалани, поцинкувани и пластифицирани ленти и лимови, со годишно производство од околу 1.200.000 тони ), врз основа на концепт усвоен од Владата на Република Македонија. Како самостоен субјект настанат во тој процес, Макстил АД беше иницијално приватизиран од страна на најголемите доверители на Железарницата, за подоцна управувачките права да бидат превземени од страна на Групацијата Дуферко преку откуп на контролниот акционерски пакет.