Бадел 1862 АД Скопје е лидер на македонскиот пазар за алкохолни пијалоци и завзема околу 50% од целокупниот увоз на алкохол во Република Македонија. Со директната дистрибуција и синхронизираната реакција за потребите на потрошувачите, овозможен е углед на “домашна” компанија бидејќи жителите на Македонија го доживуваат Бадел како сопствен домашен бренд. Основната дејност на компанијата е продажба и дистрибуција на јаки алкохолни пијалоци, при што најголемиот дел од реализацијата и потрошувачката (79%) се остварува во on-trade секторот. Производите кои ги дистрибуира Бадел 1862 АД Скопје се неизоставен дел од асортиманот на сите локали и трговски ланци. Понудата опфаќа повеќе од 120 производи од светски брендови јаки алкохолни пијалоци, вино, узо, природни сокови, кафе и чаеви Компанијата е основана во 1991 година како Бадел трејд, а во согласност со тековните економски трендови во 1997 година го променува својот назив во Бадел ДОО Скопје, за во 2007 да добие структура на акционерско друштво, како и името Бадел 1862 АД Скопје. Определбата на компанијата е насочена кон продолжување и развивање на традиционалните вредности и квалитети на производите и услугите, преку прифаќање и спремност за спроведување на новите идеи и современи принципи на развивачки менаџмент. Основната насока на развој е постигнување на вековна препознаеност која е карактеристична за матичните брендови, континуиран раст и имплементација на новите начини на маркетиншко и менаџерско работење. Тоа подразбира негување на односите со своите добавувачи и партнери, воспоставување на нови релации, унапредување и комплетирање на својата понуда во функција на задоволување на сензитивните потреби на секој купувач и краен потрошувач. Интерактивноста на развојот подразбира и унапредување на извозот на квалитетно вино и суровини, поддржување на законските реформи и регулативи, спроведување на највисоките лиценцирани стандарди на работење и определба за промовирање на здрав начин на живеење преку поддржување на спортскиот дух. Политиката за квалитет на Badel 1862 има цел да постигне задоволство на клиентите и деловните партнери. Желбите и потребите на потрошувачите директно и континуирано влијаат на подобрување на квалитетот на производи и услуги и нивно прилагодување на сите македонски закони, како и прописите на ЕУ и сите земји со кои ние работиме. Обучените експерти со сертифицирани процеси постојано ја следат здравствената исправност на производите, од влезот на суровини и производи преку производството и манипулацијата на со производите, до доаѓањето на производот на полиците. Сите наши производи и бизнис процеси се базираат на принципите на квалитет и добар менаџмент. Задоволството на купувачите и клиентите е нашата главна заложба и фокус. Бадел 1862 АД Скопје дејствува според принципите на одржлив и континуиран развој. Заштитата на околината претставува предуслов за развој на компанијата воопшто.Во својот развој водиме сметка за вкупниот прогрес на заедницата и територијата на која работиме. Во Бадел 1862 АД Скопје се негува општествената одговорност на компанијата како инструмент за позитивни промени во работењето, која се базира на економските, социјалните и еколошките начела. Транспарентниот и коректен однос кон општествената заедница е еден од нашите приоритети. Пиј малку пиј добро е нашиот познат слоган кој е инкорпориран во нашата мисија, и воедно го претставува нашето залагање за одговорно однесување и високо ниво на културата на живеење. Имплементирањето и иницирањето на сите законски заложби за одговорност во културата на конзумирање алкохол се вредности инкорпорирани во нашето работење.