Институтот за заварување „ЈУГ” А.Д. е основан во 1979 год. Веднаш по основањето Институтот се оспособува кадровски и просторно. На располагање има простор од околу 10.000 m2 од кои околу 2.500 m2 се современи и функционални административни и производни простории. Институтот ЈУГ е член на Меѓународниот институт за заварување СВАРКА. Во текот на своето постоење се истакнува со значајна деловна и научно-истражувачка работа, за што има добиено и повеќе признанија. Меѓу другите особено се издвојува 13 ноемвриската награда на град Скопје. Во моментов, Институтот ЈУГ е акционерско друштво со 70 вработени. Од 2000-та година за првпат е сертифициран по ISO 9001/2000 од страна на Det Norske Veritas. Од 2011-та година е ресертифициран по ISO 9001/2008 од страна на TÜV RheinlandInterCert.