За Нас Појавата на Наше такси на скопските улици беше вистински проблесок во една летаргија и анархија која владееше на ова поле. За кратко време успеа да се вивне до самиот врв потврдувајќи ги своите високи квалитети и вредности. Причината? Компанијата беше заснована врз здрави темели. Нејзината организираност и поставеност ги надмина бледите стандарди, кои со децении беа дел од такси живеењето на овој град и со својот стил и препознатливост му дава признак на вистинска европско метропола. Доказ? Анализите, анкетите, мислењата… едноставно го издвојуваат Наше такси како лидер во повеќе сегменти,а компанијата цврсто „вози“ на зацртаниот колосек, кој едноставно води само кон успех. Проектот Наше Такси на стартот навлезе длабоко во анализите на потребите на Скопје, како метропола, како и на оние на корисниците на такси услуги кои беа на низок квалитет и понуда, со дотраен возен парк, не водејќи грижа за безбедноста кон патниците, а возачите оставени сами на себе во делот на грижата за угледот, хигиената, настапот…На еден поинаков начин во организацијата и самото делување, разликувајќи се од претходниот прицип на работа се обидовме да го кремнеме целиот овој систем на едно далеку повисоко рамниште согласно стандардите кои ги диктираат такси компаниите во светските и европските метрополи. Работевме макотрпно, градевме камен по камен и Наше такси денес може да се каже вистински репер во оваа сфера. На скопските улици наметнавме повисоки квалитети од претходните. Нашите корисници добија на вредност за она што го плаќаат. Анализирајки го начинот на организацијата и комуникацијата, пратејки го трендот на напливот на напредните технолошки решенија на пазарот воведовме за прв пат на овие простори комлетно нов систем кој дури и во светот малкумина го користат во овој бизнис, а овозможува проширување и развој на компанијата, а тоа е GPRS технологијата. Оваа технологија овозможува глобално следење на корисниците и возилата, што секако е уште еден момент за брзата и точна услога, која секако ја надградува довербата. Наше такси е пионер и во воведувањето на систем за користење и наплата со помош на картички за идентификација, кои се реализира во соработка со голем број водечки фирми и компании во нашата држава. Новините со безготовинско плаќање ни ги отворија вратите кон многу важни клиенти и ни ја зголеми референтната листа. Во соработка со нашите стратешки и деловни патнери нудиме постојано нови услуги достапни за нашите корисници за да се чуствуваат секогаш удобно и овој пат да бидта за се навремено информирани. Последната таква придобивка е користење на интернет во нашите возила, каде и да се движите. Поточно дел од возилата се опремени со WiFi интернет, па на овој начин нашите клиенти можат без проблем да ги користат потребните мрежи, како за деловни работи, така и за забава, информации… Наше Такси во секое време 24/7 се на располагање на патниците и во секој момент на улиците на главниот град се сообраќаат 100 посебно подготвени возила, согласно стандардите пропишани од Советот на град Скопје. Со возилата управуваат едуциран кадар, кој се истакнува со својата професионалност и уредност. Во моментов близу 200 вработени одговараат согласно поставените задачи професионално и одговорно на желбите на патниците, кои во четирите години на постоење на компанијата досега не се пожалиле или имале поголеми забелешки.