МЗТ ОПРЕМА ЗА ВОЗИЛА АД Скопје е компанија чија основна дејност е производство на лиснати пружини за товарни возила, како и производство на разни делови и прибор за моторни и приклучни возила. Воедно, произведуваме и резервни делови за сите типови земјоделска механизација. Компанијата е основана во 1974 година како посебна работна единица во рамките на тогашен “Агросервис“ со основна дејност одржување и поправка на лиснати пружини за товарни возила. Со зголемување на побарувањата за услуги, се наметнала потребата од доопремување и модернизација на машинскиот парк, со што прераснува во погон за производство на лиснати пружини. Во периодот од 1978 – 1986 година претпријатието работи како ООЗТ “Агрома“, а потоа влегува во рамките на Металскиот Завод – Тито. Со законот за трансформација, друштвото се трансформира во МЗТ Опрема за возила АД Скопје со мешовита сопственост, и функционира самостојно од 1991 година. Долгогодишната работа и искуство е гаранција за квалитетот на нашите производи, а тоа го потврдуваат и многубројните наши коминтенти во земјава и странство.