ПРОФИЛ ИСТОРИЈАТ Компанијата е формирана во 1998 година. Нејзина основна дејност е производство на пилешко месо и таа е единствениот снабдувач на македонскиот пазар со свежо пилешко месо. Pilko fabrikaПо завршувањето на подготвителните работи со првото производство ПИЛКО започна на 16.12.2000 година. Во почетните периоди на своето работење производството го реализираше само на скопскиот пазар. Во март 2001 ПИЛКО формира сопствена дистрибуција, а веќе во летото истата година го насочи своето производство и кон пазарите на останатите градови во Републиката. На крајот на ноември 2002 година ПИЛКО го оствари својот прв извоз. ПОТЕНЦИЈАЛ Обезбедување на опрема за производство на димено месо и салами како деликатесен производ на македонскиот пазар ... детално НАГРАДИ Награда за свеж стекЗнак за квалитетПрва награда за Свеж стек, во категорија на производство, преработка и конзервирање на производи од месо, доделена од Министерство за економија на Република Македонија на 25 Декември 2001 година. Знак за квалитет за свежо пилешко месо, добиен од Здружение за млечни и месни производители во октомври 2003 год. КАПАЦИТЕТИ Кланицата ПИЛКО е прва, модерна, совремана кланица за пилиња во Република Македонија. Со изградбата на оваа кланица започна една нова индустриска гранка во Република Македонија, а тоа е бројлерското производство. Целите и визијата на ПИЛКО се да го снабдува домашниот пазар со свежо пилешко месо. Пилињата се хранат со храна која не содржи месно и коскено брашно, а тоа значи дека не постои никаква опасност од пренесување на прион, кој е предизвикувач на болеста на лудите крави. Храната не содржи никакви додатоци - ингредиенти за брзо растење на живината, штетни материи итн., туку само ги содржи неопходните хранливи материи. Производствениот капацитет на кланицата е 1000 бројлери на час и вкупно дневно производство од 20000 бројлери. Се користи модерна холандска технологија Systemate Nymafa, која е последен тренд во технологијата на кланичната индустрија. Дистрибуцијата на свежо и замрзнато месо е сопствена. Целокупното производство на кланицата се пласира на домашниот пазар. Со оглед на тоа дека ПИЛКО поседува дозвола за извоз во трети земји, се преземаат напори за извоз на свежо пилешко месо во земјите на соседството.