РЖ “Институт” а.д. Скопје се оформува и гради заедно со започнувањето на градбата на РЖ “Скопје” – Скопје. Замислен и конципиран за потребите на поранешна Железарница и пошироко во однос на рудните наоѓалишта во Република Македонија и поранешна СФРЈ. За таа цел инсталирана е опрема во полуиндустриски рамки од аспект на припрема на минерални суровини, минерологија и петрографија со топилнички дел до готов производ. Лоцирана е во кругот на поранешна Железарница. Пуштен е во работа во 1967 година. На 05.12.1997 год, се трансформира во акционерско друштво РЖ “Институт” а.д. Од февруари 2001 год, РЖ “Институт” а.д. е потполно приватизиран. Акциите на РЖ “Институт” а.д. Скопје котираат на Официјалниот Пазар на Македонска Берза. Со приватизацијата на РЖ “Институт” а.д. Скопје се наметна потребата од зголемување на економската ефикасност, а со тоа и зголемување на пазарната конкурентност. Од тие причини се пристапи кон рехабилитација, модернизација и пренамена на постоечките технолошки линии и производни процеси. Во РЖ “Институт” а.д. Скопје има 56 вработени со постојан работен однос. Главните обележја на политиката на РЖ ИНСТИТУТ А.Д. се високо ниво на квалитетот на производите и на услугите, брза и навремена испорака, целосно почитување на барањата и на потребите на купувачите. Грижата за нашите купувачи ја гарантираме со: - почитување на осумте принципи на ИСО стандардот; - набавка на суровини, услуги и производи од одобрени добавувачи; - искуството и стручност на нашиот персонал; - современа процесна опрема; - контрола на квалитетот на производите; - висок квалитет на производите согласно стандардите; - постојан развој на технолошките процеси и воведување на нови производи во областа на металургијата и неорганската технологија; - зголемување на профитабилноста на производството и услугите кои ги дава РЖ ИНСТИТУТ, со перманентно следење на трошоците и воведување на новите технолигии. Грижата за заштита на животната и работна средина ја спорведуваме со примена на еколошки горива (природен гас), со вградување на современи и ефикасни системи за заштита на животната средина и почитување на Законски прописи за управување со животната и работната средина, со цел минимизирање на влијанието врз неа. Постојано подобрување на: квалитетот на производите, системот за управување со квалитет со постојана обука, меѓусебно почитување, тимска работа, унапредување на индивидуалните способности, мотив за работа и лична сигурност.