ГАЛЕНИУС ДОО Скопје е млада компанија формирана на почетокот на 2004 година, но со длабоки корени и богато искуство на луѓето кои ја основаа и кои работат во неа. Фирмата носи име на основоположникот на галенската козметика и фармација - ГАЛЕНУС од Пергамум од 131-200 г.од нашата ера. Галениус ДОО има две носечки дејности, производната, каде произвoдството на козметичките производи се одвива по сопствена технологија и трговската дејност, односно промет на големо со лекови, помошни лековити средства и медицински потрошен материjал. Структурата на вработените ја сочинуваат лица со богато работно искуство и млади перспективни кадри од доменот на фармацијата, медицината, технологијата, хемијата и економијата. Од почетокот на 2006 година Галениус работи во сопствен деловен простор од околу 1.500 квадратни метри, во кој се сместени производството, магацините и канцеларискиот простор. Производите на Галениус се изработуваат од најквалитетни суровини од познатите европски и светски производители. Ова, надополнето со технолошки осмислениот, современо организиран и соодветно опремен производен простор, како и со богатото работно искуство на екипата која работи, се своевидна гаранција за високиот квалитет на производите. Квалитетот е основната стратешка цел на Галениус. Квалитет во сите сегменти на работењето и потврден квалитет на производите како резултат на севкупниот квалитет и сето тоа на задоволство на нашите потрошувачи. Нашиот асортиман е наменет за целото семејство. Наше задоволство е присуството со нашите производи во домовите. Нашето задоволство е задоволството на нашите потрошувачи!